norrænt samstarf 2015.

Virðulegi forseti. Eitt af stærstu verkefnum Norðurlandaráðs er að útrýma stjórnsýsluhindrunum. Náðst hefur gríðarlega góður árangur í gegnum tíðina en ég skal þó viðurkenna að það er svona viss þreyta með það hversu hægt gengur á ýmsum sviðum. Það þýðir þó ekki að Norðurlandaráð ætli að heykjast á því og ég tek mjög vel í vinsamlegar ábendingar um að við skoðum þetta nánar og beitum okkur í þessu. Ég er þess fullviss að félagar mínir í Norðurlandaráði taki heils hugar þar undir og við munum taka það upp á fundi, ekki bara Íslandsdeildar heldur þeim fundum sem við sækjum á vettvangi Norðurlandaráðs í framtíðinni.