þjónusta við börn með geðvanda eða fjölþættan vanda.

Hæstv. forseti. Ég þakka hv. þm. Páli Val Björnssyni að taka þetta mál upp og vil jafnframt þakka hæstv. heilbrigðisráðherra fyrir þau skref sem hann hefur stigið til þess að bæta geðheilbrigðisþjónustu á Íslandi. Við vitum öll að allt of lítið fé fer í geðheilbrigðismálin innan heilbrigðisútgjaldanna. Því þurfum við að breyta með markvissum hætti.

Ég vil taka fram að hæstv. ráðherra hefur nú þegar lagt fram aukið fé í þennan málaflokk, en við þurfum að halda áfram af festu og vera mjög markviss í þessum efnum. Eins og hér hefur komið fram skiptir snemmtæk íhlutun sköpum og bætir lífsgæði barna og fjölskyldna þeirra. Að láta börn bíða eins og við gerum í dag getur valdið óafturkræfum skaða fyrir þann þroska sem þau geta náð og þau lífsgæði sem þau geta búið við sem einstaklingar í samfélagi okkar. Það er sparnaður að snemmtækri íhlutun og mikilvægt að við leggjum okkur öll fram.