vextir og verðtrygging.

Það er rétt, virðulegi forseti, að taka undir orð hv. þm. Sigríðar Ingibjargar Ingadóttur um að það er réttast að ljúka þessu þingi núna og fara að undirbúa kosningarnar í landinu sem eiga að vera 29. október vegna þess að annar stjórnarflokkurinn tekur ekki þátt í þingstörfum, mætir illa í þingsal, tekur ekki þátt í þessu stóra máli sem hér er lagt fram og gefið í skyn að þau hafi ekkert til málanna að leggja af því að málinu verði hugsanlega breytt í þingnefndinni.

Hverjir ætla að breyta málinu í þingnefndinni? Málið er nefnilega að það er ekki hægt að afnema verðtrygginguna í landinu á meðan við erum með íslenska krónu. Menn verða bara að átta sig á því. Þess vegna geta framsóknarmenn ekki uppfyllt þetta (Forseti hringir.) loforð sem þeir gáfu svo hávært fyrir kosningar.