stjórn fiskveiða.
Virðulegi forseti. Já, hér er um tilraun að ræða, eins og hv. formaður atvinnuveganefndar sagði. Búið er að auka kvótann til strandveiðiflotans, en það er óverulegt. Þeir fá rúmlega 3% af heildarþorskkvótanum. Þó að það aukist örlítið, kannski um 0,5%, þá myndi ég ekki segja að himinn og jörð væru að farast þess vegna, alls ekki.
Ég fagna auðvitað frumvarpinu og hugsuninni á bak við frumvarpið, en ég tel að aukningin á þessum kvóta og veiðin muni færast á svæði A, vestursvæðið. Ég held það. Og að hin svæðin muni bera skarðan hlut frá borði. Þessum ólympísku veiðum er ekki lokið með þessu frumvarpi. Ég tel stórhættu á því að kvótinn verði búinn í lok júlí þannig að veiðin á svæði B, C og sérstaklega D verði minni en nú er. Ég mun sitja hjá við afgreiðslu frumvarpsins og vona innilega að atvinnuveganefnd komi með viðunandi breytingartillögur.