búvörulög og búnaðarlög.
Herra forseti. Það er auðvitað margt sem ég og hv. þingmaður skiljum ekki. Ég skil hins vegar ekki hvernig hann ætlar að leysa þennan vanda, en það kannski kemur í ljós við þinglega meðferð þessa máls. Við áttum hér umræður í febrúar á síðasta ári um matvælaöryggi og matvælaframleiðslu. Þá sagði þáverandi hæstv. sjávarútvegs- og landbúnaðarráðherra þegar hún var spurð um samkeppnismál og búvörulög, með leyfi forseta:
„Já, við skulum skoða þau sérstaklega, m.a. vinna út frá forsendum sem eru gegnsæi og jafnræði.“
Það átti að skoða þetta allt saman og hún sagði í lokin:
„En við verðum auðvitað að fara varlega.“
Er hv. þingmaður sama sinnis og þáverandi sjávarútvegs- og landbúnaðarráðherra? Telur hann að þetta frumvarp sé merki um að hér sé verið að fara að þeim varnaðarorðum sem þáverandi (Forseti hringir.) sjávarútvegs- og landbúnaðarráðherra viðhafði í febrúar 2017: Við skulum fara varlega?