149. löggjafarþing — 35. fundur, 21. nóv. 2018.
fjárlög 2019.
1. mál
Herra forseti. Kolefnisgjald er greiðsla sem er eins konar jákvæð samfélagsþjónusta og mótandi fyrir umhverfisvernd að hluta til. Hér er 10% hækkun og stefnt að hækkun gjaldsins í takti við aukin orkuskipti og fleira. Kolefnisgjaldið, sem er núna tæpir 6 milljarðar kr., nýtist í fjölþætt verkefni, allt frá kolefnisbindingu til framfara í umhverfisvernd. Ég tel mjög mikilvægt að þingmenn styðji þessa tillögu.