listaverk í eigu Seðlabankans.

Herra forseti. Ég þakka hæstv. ráðherra fyrir svarið. Ég vil nota tækifærið og nefna úr því að umræðan hefur spunnist um verk eftir Gunnlaug Blöndal að við njótum verka Gunnlaugs í Alþingishúsinu. Þar ber auðvitað sérstaklega að nefna mynd hans af þjóðfundinum 1851 í anddyri þinghússins þar sem hann dregur ljóslega fram hina glæstu forystu Jóns Sigurðssonar á þeirri stóru stund, örlagastund í sögu íslensku þjóðarinnar. Þekkja má alla þjóðfundarmenn á myndinni, þeir voru tveir úr hverri sýslu, og ef ég má langar mig að segja á persónulegu nótunum að ég orna mér stundum við það að vera afkomandi eins þeirra.