húsaleigulög.

Virðulegi forseti. Ég þakka hv. þingmanni annað andsvar. Kostnaðurinn var ekki ræddur sérstaklega í nefndinni en auðvitað var farið yfir hann í kynningu ráðuneytis og Húsnæðis- og mannvirkjastofnunar og kom þar fram að húsnæðisgrunnur Húsnæðis- og mannvirkjastofnunar er nú þegar til staðar. Það hefur því þegar verið lagt út í ákveðinn grunnkostnað við að koma honum á. Þarna er um að ræða viðbót við þann grunn sem vissulega kostar og kostar í rekstri, sérstaklega í upphafi, en það að fara að búa til nýtt kerfi, t.d. tengt þinglýsingum á leigusamningum, hefði alltaf kallað á meiri grunnkostnað og annars konar vinnu.