Stefnuræða forsætisráðherra og umræður um hana.
Nú flytur hæstv. forsætisráðherra stefnuræðu sína fyrir hönd ríkisstjórnarinnar og fram munu fara umræður um hana sem verður útvarpað og sjónvarpað héðan úr Alþingishúsinu. Umræðurnar skiptast í tvær umferðir. Forsætisráðherra hefur 12 mínútur til framsögu en aðrir þingflokkar en þingflokkur forsætisráðherra hafa sex mínútur í fyrri umferð og í seinni umferð hafa þingflokkarnir einnig sex mínútur hver.
Röð flokkanna er í báðum umferðum þessi: Vinstri hreyfingin grænt framboð, Samfylkingin, Flokkur fólksins, Sjálfstæðisflokkur, Píratar, Framsóknarflokkur, Viðreisn og Miðflokkurinn.
Ræðumenn fyrir Vinstrihreyfinguna – grænt framboð verða Katrín Jakobsdóttir forsætisráðherra í fyrri umferð og Guðmundur Ingi Guðbrandsson, félags- og vinnumarkaðsráðherra, í seinni umferð.
Fyrir Samfylkinguna tala Kristrún Frostadóttir, 3. þm. Reykv. s., í fyrri umferð og Jóhann Páll Jóhannsson, 4. þm. Reykv. n., í seinni umferð.
Fyrir Flokk fólksins tala Inga Sæland, 7. þm. Reykv. s., í fyrri umferð og Jakob Frímann Magnússon, 8. þm. Norðaust., í seinni umferð.
Fyrir Sjálfstæðisflokk tala Bjarni Benediktsson, fjármála- og efnahagsráðherra, í fyrri umferð og í seinni umferð Diljá Mist Einarsdóttir, 6. þm. Reykv. n.
Ræðumenn Pírata verða í fyrri umferð Þórhildur Sunna Ævarsdóttir, 7. þm. Suðvest., og í seinni umferð Arndís Anna Kristínardóttir Gunnarsdóttir, 11. þm. Reykv. s.
Fyrir Framsóknarflokk tala í fyrri umferð Lilja Alfreðsdóttir, menningar og viðskiptaráðherra, og í seinni umferð Ásmundur Einar Daðason, mennta- og barnamálaráðherra.
Ræðumenn Viðreisnar verða í fyrri umferð Þorgerður Katrín Gunnarsdóttir, 5. þm. Suðvest., og Þorbjörg Sigríður Gunnlaugsdóttir, 8. þm. Reykv. n., í þeirri seinni.
Ræðumenn Miðflokksins verða Sigmundur Davíð Gunnlaugsson, 7. þm. Norðaust., í fyrri umferð og Bergþór Ólason, 8. þm. Norðvest, í seinni umferð.