Geðheilbrigðismál, munnleg skýrsla heilbrigðisráðherra.
heilbrigðisráðherra (Jón Kristjánsson) (F) (andsvar):
Herra forseti. Ég tel vissulega þörf á því að bæta þjónustuna við fanga og gera þær breytingar sem líklegar eru til að vinna að því. Ég hef vitneskju um að núverandi fangelsismálastjóri hefur áhuga á þessu og hefur m.a. komið til okkar áhyggjum sínum af geðheilbrigðisþjónustu í fangelsum. Ég hef fullan skilning á að vinna þurfi að málinu.
Einnig er mikil þörf á því í sambandi við skólana að samstarf sé á milli ráðuneyta. Verkefnisstjóri okkar hafði það einmitt með höndum að gera um það tillögur og erum við að fara yfir þær núna.