aðildarumsókn að Evrópusambandinu.
Virðulegi forseti. Ráðherrann hefur heyrt af drögum en ekki séð þessa umræddu skýrslu. Ég held að mjög mikilvægt sé að þessi skýrsla, jafnvel þó að hún sé aðeins í formi draga, verði gerð opinber áður en við göngum til atkvæða. Ég óska þess að hæstv. ráðherra beiti sér fyrir því að a.m.k. utanríkismálanefnd, eða eftir atvikum Alþingi , fái þessi drög hið allra fyrsta vegna þess að alltaf þegar rætt er um hagsmuni landbúnaðarins eru gefin mikil fyrirheit um að Ísland geti fengið sömu meðferð og Finnland fékk í sínum aðildarsamningi. Þetta skiptir miklu máli. Ég fer fram á það, virðulegi forseti, við hæstv. ráðherra að hann beiti sér fyrir því að skýrslan verði gerð opinber og við fáum að sjá þessi drög eigi síðar en strax.