verndar- og nýtingaráætlun vegna virkjunar fallvatna og jarðhita.
Virðulegi forseti. Við greiðum atkvæði um merkilegt mál sem er verndar- og nýtingaráætlun vegna virkjunar fallvatna og háhitasvæða sem mun undirbyggja rammaáætlun og það hvernig virkjunarkostir verða flokkaðir í þrjá flokka. Við styðjum þetta mál en með fyrirvara og sá fyrirvari stafar af ákvæði hér sem segir að þau landsvæði sem njóta þegar friðlýsingar í samræmi við 50. gr. laga um náttúruvernd séu undanskilin þessu. Þrátt fyrir þetta munum við greiða atkvæði með þessu, sérstaklega til að reyna að skapa sátt um þessi mál og í þeirri von (Forseti hringir.) að hér muni ríkja friður um virkjunarframkvæmdir í framtíðinni.