140. löggjafarþing — 46. fundur, 20. jan. 2012.
afturköllun ákæru á hendur Geir H. Haarde, fyrrv. forsætisráðherra.
403. mál
Forseti. Eitthvað virðist minni hv. þm. Atla Gíslasonar vera farið að bresta því að hér ætla ég að fá að vitna í frétt úr Fréttablaðinu frá 30. september 2010 þar sem vitnað er beint í hv. þm. Atla Gíslason. Þar er hann spurður hvort honum þyki réttlátt að Geir sé einn dreginn fyrir landsdóm og segir Atli:
„Ég hugsaði einhvern tíma með sjálfum mér: Fjórir, enginn eða einn. Það er algengt í sakamálum að aðalmaður sé ákærður en aðrir ekki, án þess að ég vilji heimfæra það beint yfir á þetta.“
Ég verð bara að segja að annaðhvort er hv. þm. Atli Gíslason mjög gleyminn eða hreinlega óheiðarlegur í þessu máli. Meira hef ég ekki um þetta að segja. (JónG: Sagði hann ekki að …?)
