tengsl undirbúnings umsóknar um aðild að Evrópusambandinu og friðunar svartfugls.
Frú forseti. Ég þakka hv. þm. Guðlaugi Þór Þórðarsyni kærlega fyrir þessa fyrirspurn því að þetta er mjög mikilvægt. Ég tek undir áhyggjur hv. þingmanns af áhrifum þessara tilskipana Evrópusambandsins á íslenskar aðstæður. Það er mjög mikilvægt að standa vel í lappirnar hvað þetta varðar.
Ég vil aðeins forvitnast í leiðinni hjá hæstv. ráðherra um villidýranefndina svokölluðu. Er hún búin að skila af sér? Starfaði nefndin um svartfuglastofnana þvert ofan í þá nefnd? Hvað líður frumvarpi hvað þetta varðar?
Mér finnst áhugavert að heyra í svari hæstv. ráðherra staðfestingu á því að hlunnindanýting bænda og fleiri aðila sé sjálfbær og skynsamleg. Það er mjög mikilvægt að það komi fram.