ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.

Virðulegi forseti. Hér verðum við vitni að blekkingum, lýðskrumi og hálfsannleika þeirrar ríkisstjórnar sem nú situr og vildi ekki fá bindandi þjóðaratkvæðagreiðslu um Icesave.

Nú hefur hæstv. efnahags- og viðskiptaráðherra tjáð sig með þeim hætti, sem og hv. þm. Þór Saari, að ekki sé hægt að fara með tvö mál í þjóðaratkvæðagreiðslu. Þessu hefur landskjörstjórn hafnað og jafnframt úrskurðað að ekkert sé því til fyrirstöðu að kjósa um tvennt í einu enda átti þetta mál að fara fram samhliða forsetakosningum.

Við verðum vitni að því að hér situr ríkisstjórn sem vill ekki fá mesta þjóðþrifamálið í þjóðaratkvæðagreiðslu, þ.e. hvort halda eigi áfram umsókninni að brennandi Evrópusambandi. (Gripið fram í.) Vonandi átta landsmenn sig á því hversu mikið lýðskrum er hér á ferðinni hjá stjórnvöldum.