rannsókn á einkavæðingu banka.

Frú forseti. Ég þakka hv. þm. Lúðvík Geirssyni fyrir framsögu hans. Hér er um mjög mikilvægt mál að ræða. Við erum að beita þessum nýju lögum um rannsóknarnefndir Alþingis í þriðja sinn. Það er verið að leggja lokahönd á tvær rannsóknir samkvæmt þeim lögum, um Íbúðalánasjóð og sparisjóðina. Það er mikilvægt að við drögum lærdóm af því hvernig það ferli hefur gengið.

Hv. þingmaður nefndi, hefur gert það ítrekað í svörum við andsvörum, að það er greinilegt að rannsóknir af þessu tagi geta tekið lengri tíma en við gerðum ráð fyrir í upphafi, þá einkum og sér í lagi kannski undirbúningurinn að þessum rannsóknum hvað varðar umfang fjárveitinga, mannafla og þess háttar.

Hv. þingmaður sagði að ljóst væri að ekki væri hægt að fara í þessa rannsókn fyrr en eftir áramót og þá langar mig að biðja hann að gera okkur aðeins betur grein fyrir því hvað hann er að hugsa í þeim (Forseti hringir.) efnum.