ýmsar forsendur fjárlagafrumvarps 2015.
Forseti. Hér erum við að fara að greiða atkvæði um mál sem er mjög alvarlegt. Það er alvarlegt út af því að allir þeir einstaklingar sem núna þurfa að horfa upp á enn frekari skerðingu og lakari lífskjör fá engan undirbúningstíma. Þetta er jólagjöfin til heimilanna í landinu því þetta hljóta líka að vera heimili í landinu. Þetta er bara ömurlegt, því ég veit sjálf hvernig það er að lenda í þeirri stöðu að þurfa að fara og biðja um bætur hjá félagsmálayfirvöldum. Það þýðir á þessum tíma að maður fær jafnvel ekki neinar bætur strax. Það kemur gloppa inn á milli. Hér er verið að setja fólk í stöðu þar sem verið er að hækka matarskattinn og taka af þeim grundvallarmannréttindi. Ég skil bara ekki í þingmönnum Framsóknarflokksins að taka þátt í svona. (Forseti hringir.) Mikil má skömm ykkar vera.