ýmsar forsendur fjárlagafrumvarps 2015.

Forseti. Já, því miður er það mín tilfinning. Ég skrifaði um þetta nýverið og það voru ótrúlega margir sem tóku undir þennan ótta með mér. Það sem mig langar að segja í lokaorðum í þessari umræðu er að mér finnst nauðsynlegt að ríkisstjórnin hlusti og skilji að þessar aðgerðir vekja ugg í brjósti landsmanna. Á eftir uggnum kemur reiðin, og þegar óréttlætið er orðið svo mikið að fólk eygir enga von og hefur ekki neina löngun til að búa í svona samfélagi þá annaðhvort fer það eða það rís upp gegn óréttlætinu. Ég skynja það mjög sterkt að hér verður risið upp gegn miklu óréttlæti (Forseti hringir.) á komandi ári, því miður.