áætlun um vernd og orkunýtingu landsvæða.
Herra forseti. Það hefur margt komið fram í þessari umræðu sem styður það enn betur að þingmenn eigi rétt á því að fá að skoða þessi mál á þingflokksfundi og að þingflokksformenn fari yfir það og geri betur grein fyrir því á þingflokksfundum. Annað eins hefur nú verið gert á hv. Alþingi. Það hefur þurft að rjúfa þingfund til að fjalla um mál sem eru jafnvel ekki eins alvarleg og þessi mál.
Ég tel ráðlegt hjá hæstv. forseta að hlusta á það sem hefur komið fram í umræðunni og beita lýðræðislegum vinnubrögðum og gefa okkur þingmönnum kost á að meðtaka þann boðskap sem felst í úrskurði hans sem ég tel vera með ólíkindum að hafi ekki verið kynntur á fyrri stigum áður en þetta stóra mál var sett á dagskrá, sem mun skekja öll þingstörf í framhaldinu.