áætlun um vernd og orkunýtingu landsvæða.
Herra forseti. Það er svolítið sérkennilegt þegar hv. þingmenn tala um bull úr ræðustól og flokka það sem bull það sem sagt hefur verið hér í dag og í kvöld um þetta mál. Ef menn ætla að vigta það hverjir bulla og hverjir bulla ekki þá er ég hrædd um að það sem stjórnarandstaðan hefur sagt hér í dag yrði talið gáfumannatal en að bullið hafi komið annars staðar frá, kannski úr hv. atvinnuveganefnd og frá meiri hluta hennar í formi þessarar ótrúlegu þingsályktunartillögu. Ég tel að fram hafi farið málefnaleg umræða í þeim þremur ræðum sem hér hafa verið fluttar í dag — þetta segi ég þó að ég eigi hlut að máli og eigi kannski ekki að vera dómari í því. En það hefur líka verið málefnaleg fundarstjórn hérna og það hefur ekkert veitt af henni.