tillögur dómsmálaráðherra um skipun dómara við Landsrétt.

Virðulegi forseti. Það er oft talað um að Alþingi njóti ekki virðingar og trausts. Mér finnst það nú bara ekki skrýtið eftir að hafa setið hér í þessum sal í dag. Vinnubrögð af þessu tagi eru algerlega óboðleg í nútímasamfélagi. Og að ætla að fara að klæða þetta fúsk í einhvern jafnréttisbúning er algerlega út í móa og hreinlega móðgandi fyrir konur. (Gripið fram í: Heyr, heyr.) Að færa einhverja karlmenn upp og niður á lista er ekki jafnrétti. Ef það hefði bara verið að færa konur hefðum við getað tekið þennan jafnréttisvinkil. En nei, það eru fleiri breytingar. Og að vera að skýla sér á bak við þetta er hreinlega móðgandi fyrir allt hugsandi fólk. Ég segi nei.