breyting á ýmsum lögum vegna fjárlaga 2018.
Herra forseti. Hvernig skyldi standa á því að ríkisstjórn Íslands vilji láta þá sem verst hafa það, þá sem verst standa, bíða í heilt ár, bíða í tvö ár eða heilt kjörtímabil á meðan einhver nefnd á hennar vegum er að velta fyrir sér hvernig eigi mögulega að breyta kerfinu, breyta vaxtabótakerfinu og breyta barnabótakerfinu? Hvers vegna eiga þeir sem verst hafa það hér á landi að bíða í heilt ár eða heilt kjörtímabil? Hvernig getur það verið réttlætanlegt?
Kallað er eftir samstöðu á þingi. Þá vill sú sem hér stendur kalla eftir samstöðu ríkisstjórnarinnar, samstöðu allra sem hér starfa um að koma fátæku fólki á Íslandi til aðstoðar. Við erum rík þjóð og eigum að koma þessu fólki til aðstoðar.
Ég segi að sjálfsögðu já.