markaðar tekjur.
Herra forseti. Ég þakka hæstv. ráðherra fyrir svörin. Hann minntist ekki á Framkvæmdasjóð aldraðra en ekki er tekið tillit til athugasemda ASÍ hvað þann sjóð varðar. Í greinargerð er farið yfir athugasemdir sem hafa komið fram í umsögnum um fyrra frumvarpið sem var til umræðu í fjárlaganefnd.
Ég vil spyrja hæstv. ráðherra hvort haft hafi verið sérstakt samráð við aðila vinnumarkaðarins um réttindin á vinnumarkaði og þessar athugasemdir sem eru hvað skýrastar hvað þetta varðar frá Alþýðusambandi Íslands. Var sérstakt samráð um þetta frumvarp hvað það varðar?