149. löggjafarþing — 72. fundur, 28. feb. 2019.
kolefnismerking á kjötvörur.
275. mál
Hæstv. forseti. Ég þakka hv. þingmanni kærlega fyrir þessa fínu ábendingu. Ég er fullkomlega sammála því að það væri ágætt að merkja öll matvæli yfirleitt. Með því leggjum við áherslu á að við reynum að framleiða sem mest hér innan lands og viljum gjarnan vera sjálfbær í þeim efnum.
Það er mjög fínt að minnast á þetta með titilinn, að þetta sé ekki svona einfaldlega orðað og mætti vera ítarlegra til að sýna fram á um hvað málið snýst.