149. löggjafarþing — 91. fundur, 9. apr. 2019.
raforkulög.
792. mál
[23:39]
Horfa
ferðamála-, iðnaðar- og nýsköpunarráðherra (Þórdís Kolbrún R. Gylfadóttir) (S) (andsvar):
Hæstv. forseti. Það er einfaldlega ekki partur af pakkanum, partur af þriðju raforkutilskipuninni, að þurfa að leggja sæstreng. Skylda til að leggja sæstreng er einfaldlega ekki partur af þriðju raforkutilskipuninni. Þess vegna þurfti ekki undanþágur frá því og þess vegna getur enginn lögsótt okkur ef við ætlum ekki að leggja sæstreng af því að það er einfaldlega ekki partur af þriðju raforkutilskipuninni, ekki er nein skylda fyrir okkur til þess að leggja sæstreng.
