umræður um málefni samtímans.

Herra forseti. Ég tek undir með hv. þingmanni, það er auðvitað mjög sérstakt að enginn stjórnarliði hafi komið upp og rætt þá alvarlegu hluti sem áttu sér stað í nótt. Við þurfum að finna flöt á því að hægt sé að ræða það en að við séum ekki útilokuð frá því vegna þess að það séu nefndadagar eða eitthvað annað.

Ég minni á að eftir slit stjórnarinnar 2016 gerðu formenn flokkanna sérstakt samkomulag sín á milli sem lá til grundvallar þegar lausn fannst, að strax yrði farið í að breyta útlendingalögum á þann veg að sérstaklega yrði hugað að börnum, ungum konum og fólki í viðkvæmri stöðu. Það hefur verið þverbrotið og þegar ég kallaði eftir því að fá samkomulagið sem formennirnir gerðu með sér og skrifuðu undir (Forseti hringir.) var svarið úr forsætisráðuneytinu: Það er enginn sem hirðir um að geyma það. Til hvers erum við að gera samninga, herra forseti?