Samningur Sameinuðu þjóðanna um réttindi barnsins
155. mál á 141. löggjafarþingi.
Helgi Hjörvar.
Markmið
Lögfesting samnings Sameinuðu þjóðanna um réttindi barnsins og lögfesting valfrjálsra bókana frá 25. maí 2000, um sölu á börnum, barnavændi og barnaklám og þátttöku barna í vopnuðum átökum.
Helstu breytingar og nýjungar
Börn eiga rétt á að láta í ljós skoðanir sínar á málum sem þau varða miðað við aldur þeirra og þroska.
Fangar sem eru undir 18 ára aldri skulu vistaðir á heimili á vegum barnaverndaryfirvalda.
Breytingar á lögum og tengd mál
Lög um félagsþjónustu sveitarfélaga nr. 40/1991.
Lög um málefni fatlaðs fólks nr. 59/1992.
Lög um fullnustu refsinga nr. 49/2005.
- Endurflutt: Samningur Sameinuðu þjóðanna um réttindi barnsins, 749. mál (HHj) á 140. þingi (16.04.2012)
- Skylt mál: Bætt réttarstaða barna samkvæmt barnasáttmála Sameinuðu þjóðanna, 521. mál (RG) á 121. þingi (07.04.1997)
- Skylt mál: Framkvæmd barnasáttmála Sameinuðu þjóðanna, 747. mál (RG) á 131. þingi (07.04.2005)
- Skylt mál: Aðgerðaáætlun til að styrkja stöðu barna og ungmenna, 12. mál (félagsmálaráðherra) á 134. þingi (05.06.2007)
- Skylt mál: Samningur Sameinuðu þjóðanna um réttindi barnsins, 13. mál (ÁÓÁ) á 136. þingi (09.10.2008)
Kostnaður og tekjur
Kemur ekki fram í frumvarpi.
Umsagnir (helstu atriði)
Frumvarpinu var fagnað af öllum umsagnaraðilum. Meðal þess sem bent var á var að breyta þyrfti lögum um fullnustu refsinga til að fullnægja kröfum sáttmálans um að ungir fangar séu aðskildir frá fullorðnum föngum. Einnig voru lagðar til breytingar á ákvæði um vistun fanga undir 18 ára aldri á heimilum á vegum barnaverndaryfirvalda. Barnaverndarstofa bendir á að hún þurfi meira fé til að geta tekist á við ný verkefni. Samband íslenskra sveitarfélaga leggur til breytingar á ákvæðum sem varða fötluð börn.
Afgreiðsla
Frumvarpið var samþykkt óbreytt.Aðrar upplýsingar
Samningur Sameinuðu þjóðanna um réttindi barnsins.
Barnasáttmáli Sameinuðu þjóðanna. Vefur um réttindi barna fyrir börn, unglinga og fullorðna.