Samantekt um þingmál

Opinber innkaup

288. mál á 141. löggjafarþingi.
Fjármála- og efnahagsráðherra.

Markmið

Að auka skilvirkni í meðferð kærumála vegna gerðar opinberra samninga.

Helstu breytingar og nýjungar

Réttarvarsla á sviði opinberra innkaupa er og verður í höndum sjálfstæðrar stjórnsýslunefndar, kærunefndar útboðsmála, og ný úrræði sem mælt er fyrir um, þ.e. óvirkni og önnur viðurlög, verða það einnig. Óvirkni er nýtt réttarúrræði sem svarar að verulegu leyti til þess að samningur sé felldur úr gildi.
Aðkoma almennra dómstóla að úrskurðum og áherslubreyting við réttarvörslu verður skýrari en áður.

Breytingar á lögum og tengd mál

Lög nr. 84/2007, um opinber innkaup.

  • Endurflutt: Opinber innkaup, 685. mál (fjármálaráðherra) á 140. þingi (29.03.2012)

Kostnaður og tekjur

Hefur líklega ekki áhrif á fjárhag ríkisjóðs.

Umsagnir (helstu atriði)

Umsagnir eru mjög jákvæðar en fram komu gagnlegar ábendingar og minniháttar athugasemdir.

Afgreiðsla

Frumvarpið var samþykkt með minni háttar breytingum.

Aðrar upplýsingar

Tilskipun Evrópuþingsins og ráðsins 2007/66/EB er varðar aukna skilvirkni í meðferð kærumála vegna gerðar opinberra samninga.

Kærunefnd útboðsmála. Úrskurðir og álit.



Síðast breytt 12.04.2013. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.

Um samantektir

Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.

Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.

Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.

Ferill málsins

  • Stjórnarfrumvarp
  • 1. umræða
  • Nefndarálit með breytingartillögu
  • 2. umræða
  • Frumvarp eftir 2. umræðu
  • Breytingartillaga
  • 3. umræða
  • Lög