Séreignarsparnaður og ráðstöfun hans til greiðslu húsnæðislána og húsnæðissparnaðar
484. mál á 143. löggjafarþingi.
Fjármála- og efnahagsráðherra.
Markmið
Að lækka höfuðstól verðtryggðra húsnæðislána.Helstu breytingar og nýjungar
Um er að ræða úrræði sem heimilar fólki ráðstöfun séreignarsparnaðar inn á veðlán sem tekin voru vegna öflunar íbúðarhúsnæðis til eigin nota. Þessi leið er skattfrjáls og gildir í þrjú ár vegna ráðstöfunar iðgjalda inn á lán en í fimm ár vegna húsnæðissparnaðar.Breytingar á lögum og tengd mál
Breyta á lögum nr. 129/1997, um skyldutryggingu lífeyrisréttinda og starfsemi lífeyrissjóða, lögum nr. 90/2003, um tekjuskatt, og lögum nr. 44/1998, um húsnæðismál.- Skylt mál: Leiðrétting verðtryggðra fasteignaveðlána, 485. mál (fjármála- og efnahagsráðherra) á 143. þingi (26.03.2014)
- Skylt mál: Stuðningur til kaupa á fyrstu íbúð, 818. mál (fjármála- og efnahagsráðherra) á 145. þingi (15.08.2016)
Kostnaður og tekjur
Í fjárlögum ársins 2014 er gert ráð fyrir 20 milljarða króna útgjöldum vegna þessa málefnis en stefna stjórnvalda er að nettóáhrif á ríkissjóð verði lítil sem engin. Í áliti skrifstofu opinberra fjármála segir meðal annars að í frumvarpinu séu ekki allar forsendur aðgerðanna afmarkaðar fyrir fram með þeim hætti að beinlínis verði ráðið af ákvæðum þess hver hugsanlegur heildarkostnaður ríkissjóðs gæti orðið.
Umsagnir (helstu atriði)
Margar umsagnir bárust og nokkrar efnislegar athugasemdir sem sumar hverjar voru felldar inn í frumvarpið áður en það varð að lögum.Afgreiðsla
Samþykkt með nokkrum minni háttar breytingum.Aðrar upplýsingar
Kynning forsætisráðuneytis á aðgerðum ríkisstjórnarinnar, 26. mars 2014.
Kynning ríkisstjórnarinnar á fyrirhuguðum aðgerðum í skuldamálum, 30. nóvember 2013.