Leiðrétting verðtryggðra fasteignaveðlána
485. mál á 143. löggjafarþingi.
Fjármála- og efnahagsráðherra.
Markmið
Að lækka höfuðstól verðtryggðra fasteignaveðlána.Helstu breytingar og nýjungar
Lagt er til að ráðherra verði heimilað að gera samkomulag við lífeyrissjóði, Íbúðalánasjóð og fjármálafyrirtæki um breytingu á verðtryggðum fasteignaveðlánum einstaklinga á tímabilinu 1. janúar 2008 til 31. desember 2009.Breytingar á lögum og tengd mál
- Skylt mál: Séreignarsparnaður og ráðstöfun hans til greiðslu húsnæðislána og húsnæðissparnaðar, 484. mál (fjármála- og efnahagsráðherra) á 143. þingi (26.03.2014)
Kostnaður og tekjur
Í fjárlögum ársins 2014 er gert ráð fyrir 20 milljarða króna útgjöldum vegna þessa málefnis en stefna stjórnvalda er að nettóáhrif á ríkissjóð verði lítil sem engin. Í áliti skrifstofu opinberra fjármála segir meðal annars að í frumvarpinu séu ekki allar forsendur aðgerðanna afmarkaðar fyrir fram með þeim hætti að beinlínis verði ráðið af ákvæðum þess hver hugsanlegur heildarkostnaður ríkissjóðs gæti orðið.Umsagnir (helstu atriði)
Margar umsagnir bárust og í flestum þeirra er lýst yfir efasemdum um gagnsemi frumvarpsins, það hafi of mikinn kostnað í för með sér eða að tilteknir hópar muni ekki njóta ávinnings af samþykkt þess.Afgreiðsla
Samþykkt með minni háttar breytingum.Aðrar upplýsingar
Kynning forsætisráðuneytis á aðgerðum ríkisstjórnarinnar, 26. mars 2014.
Kynning ríkisstjórnarinnar á fyrirhuguðum aðgerðum í skuldamálum, 30. nóvember 2013.