Framleiðsla, verðlagning og sala búvöru o.fl.
694. mál á 144. löggjafarþingi.
Sjávarútvegs- og landbúnaðarráðherra.
Markmið
Að einfalda og skýra tiltekin ákvæði búvörulaga, meðal annars vegna stjórnsýsluverkefna hjá Matvælastofnun.Helstu breytingar og nýjungar
Gert er ráð fyrir að stjórnsýsluverkefni sem Bændasamtök Íslands hafa sinnt verði flutt til Matvælastofnunar.Breytingar á lögum og tengd mál
Breyta á lögum um framleiðslu, verðlagningu og sölu búvöru nr. 99/1993 og auk þess eru gerðar lítilsháttar breytingar á lögum um Matvælastofnun nr. 80/2005 og tollalögum nr. 88/2005.Kostnaður og tekjur
Hefur ekki áhrif á ríkissjóð.Umsagnir (helstu atriði)
Umsagnaraðilar gera ekki efnislegar athugasemdir við frumvarpið en Bændasamtökin og aðilar tengdir landbúnaði mótmæla flutningi þessara stjórnsýsluverkefna til Matvælastofnunar og leggja til að verkefnin verði flutt í sjálfstæða stofnun undir atvinnuvega- og nýsköpunarráðuneytinu.Afgreiðsla
Samþykkt með minni háttar breytingum.Aðrar upplýsingar
Útvistun opinberra verkefna til Bændasamtaka Íslands. Ríkisendurskoðun, mars 2011.
Skýrsla um eftirfylgni : Útvistun opinberra verkefna til Bændasamtaka Íslands. Ríkisendurskoðun, mars 2014.