Vextir og verðtrygging
817. mál á 145. löggjafarþingi.
Fjármála- og efnahagsráðherra.
Markmið
Að takmarka veitingu verðtryggðra lána með jafngreiðslufyrirkomulagi.Helstu breytingar og nýjungar
Lagðar eru til almennar takmarkanir á veitingu nýrra verðtryggðra langtímajafngreiðslulána með því að stytta hámarkslánstíma þeirra í 25 ár. Hann er nú 40 ár. Undantekningar eru að heimilt er að veita slík lán til allt að 40 ára sé lántaki yngri en 35 ára, til allt að 35 ára sé lántaki 35–39 ára og til allt að 30 ára sé lántaki 40–44 ára. Þá er einnig heimilt að veita slík lán, þ.e. lengri en 25 ár, til einstaklinga með 3,5 milljónir kr. í skattskyldar tekjur eða 6 milljónir kr. ef lántakar eru fleiri en einn. Undanþága gildir einnig ef veðsetningarhlutfallið er lægra en 50%.Breytingar á lögum og tengd mál
Breyta á lögum um vexti og verðtryggingu nr. 38/2001 (14. gr.).- Skylt mál: Stuðningur til kaupa á fyrstu íbúð, 818. mál (fjármála- og efnahagsráðherra) á 145. þingi (15.08.2016)
- Skylt mál: Vextir og verðtrygging, 441. mál (fjármála- og efnahagsráðherra) á 151. þingi (18.01.2021)