Samantekt um þingmál
211. mál á 151. löggjafarþingi.
Forsætisráðherra.
Markmið
Að gera kleift að ljúka bótauppgjöri vegna fatlaðs fólks sem var vistað á barnsaldri á opinberum stofnunum öðrum en Kópavogshæli.
Helstu breytingar og nýjungar
Lagðar eru til breytingar sem gera kleift að taka á málum fatlaðra barna sem vistuð voru á öðrum stofnunum en Kópavogshæli sem ekki hafa þegar sætt könnun samkvæmt lögum nr. 26/2007. Þá er lagt til að lög um skipan nefndar til að kanna starfsemi vist- og meðferðarheimila fyrir börn, nr. 26/2007, verði felld brott þar sem ekki er talin þörf á frekari könnunum nefndar samkvæmt lögunum.
Breytingar á lögum og tengd mál
Lög um sanngirnisbætur fyrir misgjörðir á stofnunum eða heimilum sem falla undir lög nr. 26/2007, nr.
47/2010.
Við gildistöku laganna falla úr gildi lög um skipan nefndar til að kanna starfsemi vist- og meðferðarheimila fyrir börn, nr.
26/2007.
Kostnaður og tekjur
Gert er ráð fyrir að kostnaður ríkissjóðs verði 411–466 milljónir kr. árið 2021, 2 milljónir kr. árið 2022 og 1 milljón kr. árið 2023.
Afgreiðsla
Samþykkt með fáeinum orðalagsbreytingum til skýringar og lagfæringar.
Aðrar upplýsingar
Skýrsla nefndar samkvæmt lögum nr. 26/2007. Könnun á vistun barna á Kópavogshæli 1952–1993. Vistheimilanefnd, 29. desember 2016.
Síðast breytt 17.12.2020. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.
Um samantektir
Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.
Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.
Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.
