Sighvatur Björgvinsson:
Virðulegi forseti. Við búum við gjafmilda ríkisstjórn. Fyrir aðeins tveimur sólarhringum færði hún nokkrum fyrirtækjum og einstaklingum á Íslandi gjöf sem þeir sjálfir meta á 25 þús. millj. kr. eða rúm 90 þús. kr. á hvert einasta mannsbarn. Samherji fékk 1 milljarð, 225 jeppa af dýrustu gerð.
Nú kemur hæstv. ríkisstjórn og færir fyrirtækjunum aðra gjöf, 3% lækkun tekjuskatta. Það er því auðséð, virðulegi forseti, hvar samúðin liggur hjá ríkisstjórn Framsfl. og Sjálfstfl., hverjum hún metur að sérstaklega þurfi að gefa í þessu góðæri.