[prenta uppsett í dálka] 85. fundur, 125. lþ.
Menntamálaráðherra (Björn Bjarnason):
Herra forseti. Ég vil endurtaka það sem ég sagði að spurt var hvaða reglur gildi í framhaldsskólum við greiðslu kostnaðar við kaup á áföngum í fjarkennslu sem ekki er unnt að bjóða upp á í heimaskólum. Eins og ég sagði gerir reiknilíkanið ráð fyrir að kostnaður við kaup á áföngum í fjarkennslu sé greiddur með sama hætti og vegna annarrar kennslu. Þetta er sú regla sem ráðuneytið hefur mótað og þetta er sú regla sem ráðuneytið fylgir í skólasamningunum sem gerðir eru við hvern einstakan framhaldsskóla. Þetta er því alveg skýrt af hálfu ráðuneytisins.
