Forseti (Guðjón Guðmundsson):
Vegna þessara athugasemda vill forseti taka það fram að í þingsköpum segir að lagafrumvarp sem útbýtt er sex mánuðum eftir þingsetningu verða því aðeins tekin á dagskrá að meiri hluti þingmanna samþykki það. Greidd voru atkvæði um þetta tiltekna mál klukkan hálftvö í dag, hvort ætti að taka það á dagskrá, og það var samþykkt með yfirgnæfandi meiri hluta atkvæða í þingsalnum. Það er því ekki við forseta að sakast heldur þingheim.