Flm. (Árni Gunnarsson):
Virðulegur forseti. Ég vil þakka hv. þm. fyrir góðar undirtektir við þetta frv. Það er raunar tilraun til að koma fram með nýjar lausnir í íslenskum landbúnaði og gefa ungu velmenntuðu og bjartsýnu fólki, sem fyllir raðir bænda nú um stundir og er að taka við, bjartari sýn á framtíðina. Jafnframt er þetta tilraun til að skapa sjálfbæra þróun í útflutningi.
Ég vona að vel takist til og endurtek þakkir mínar til hv. þm. sem hér hafa mælt með þessu frv. og vona að það hljóti ítarlega og góða umfjöllun í nefnd.