Frsm. meiri hluta allshn. (Þorgerður K. Gunnarsdóttir) (andsvar):
Virðulegi forseti. Ég hef sagt áður að mér finnst stundum eins og ég sé að berja höfðinu við steininn við að reyna að rökstyðja í fyrsta lagi hversu vel þetta mál er unnið af hálfu dómsmrn. og hv. allshn. og síðan röksemdum með málatilbúningi okkar.
En ég get í rauninni tekið undir það eitt og sér að það dugir ekki að hækka rammann úr 10 í 12 ár en það er hluti af því að berjast gegn fíkniefnavandanum. Við erum að tala um forvarnir. Við erum að tala um að tolleftirlitið sé í góðu lagi. Við erum að tala um að löggjafinn sitji ekki eftir.
Við verðum líka að þora að axla ábyrgð og taka þessa afstöðu. Þetta er hluti af heildarpakkanum.