Menntamálaráðherra (Tómas Ingi Olrich):
Herra forseti. Eins og fram hefur komið í máli mínu hefur þetta reiknilíkan verið endurskoðað og afleiðingarnar af þeirri endurskoðun munu koma fram í fjárlögum. Ég vil hins vegar nota tækifærið hér til að þakka hv. þingmanni alveg sérstaklega fyrir hversu skeleggur stuðningsmaður reiknilíkansins hann er orðinn hér á þingi. Það er gleðilegt og ég vona að fleiri þingmenn gangi í lið með hv. þm. Jóni Bjarnasyni og gerist sterkir stuðningsmenn reiknilíkansins.