Forseti (Guðmundur Árni Stefánsson):
Forseti vill geta þess um dagskrá dagsins að áformað er að ganga til atkvæða um fyrsta dagskrármálið að aflokinni 2. umr. og verður í kjölfar þess efnt til nýs fundar. Með öðrum orðum er að því miðað að gera fyrsta dagskrármálið að lögum í dag ef þingheimur fellst á slíka málsmeðferð. Má því reikna með atkvæðagreiðslu um fyrsta dagskrármálið að aflokinni 2. umr. málsins. Hvenær það verður getur forseti ekki sagt um. Það er undir hv. þingmönnum komið.