[prenta uppsett í dálka] 36. fundur, 127. lþ.
Frsm. 2. minni hluta fjárln. (Jón Bjarnason) (andsvar):
Herra forseti. Ég ítreka spurningu mína: Mun þingflokkur framsóknarmanna beita sér fyrir lækkun á þeim innritunargjöldum sem boðuð eru í fjárlagafrv., þ.e. þeirri 45% hækkun sem þar er boðuð? Mun þingflokkur framsóknarmanna beita sér fyrir því að þau verði lækkuð frá því sem þau eru í fjárlagafrv.?
Hefur þingflokkur framsóknarmanna fjallað um hækkanir á innritunargjöldum í framhaldsskólum þar sem þau eru líka hækkuð um 40% í fjárlagafrv.? Þetta eru grundvallaratriði í uppbyggingu menntunar hér á landi og ég vil gjarnan heyra hvað þingflokkur framsóknarmanna ætlar að gera í þessum efnum.
