[prenta uppsett í dálka] 43. fundur, 127. lþ.
Árni Steinar Jóhannsson:
Virðulegi forseti. Eins og fram hefur komið í umræðunni erum við andvíg því að fyrirtækið Rafmagnsveitur ríkisins sé notað til þess að leysa fjárhagsvanda sveitarfélaga. Í fjárlögum er gert ráð fyrir því að Rafmagnsveitur ríkisins hafi heimild til að nota 300 millj. kr. í slík verkefni. Við teljum rangt að stuðla að því að sveitarfélögin í landinu missi forræði yfir grunnþjónustu sinni, þar á meðal veitum. Þess vegna, virðulegi forseti, segi ég já við þessari tillögu.
Ég vil jafnframt geta þess að á þskj. 455 er tillaga frá okkur, sömu aðilum, Vinstri hreyfingunni -- grænu framboði ásamt hv. þm. Guðjóni A. Kristjánssyni, um annars konar heildstæða lausn á rekstrarvanda sveitarfélaganna í landinu, þá sérstaklega dreifbýlissveitarfélaga.
