Guðjón Guðmundsson (andsvar):
Herra forseti. Hv. þm. hóf þetta svar sitt ágætlega. Mér fannst hann ætla að fara að taka það til baka að nota orðið ,,fjárglæfra`` en síðan herti hann á og kallaði ýmsa aðila fjárglæframenn, þar á meðal ríkisstjórnina. Ég verð bara að segja það alveg hreint út að ég hef samúð með hv. þingmanni að missa svona lagað út úr sér í hita leiksins. Ég held að það sé betra að æsa sig aðeins minna í ræðustól og vita hvað maður er að segja.