Forseti (Halldór Blöndal):
Borist hefur svohljóðandi bréf:
,,Þar sem ég er á förum til útlanda í opinberum erindum og get því ekki sótt þingfundi næstu tvær vikur óska ég eftir því með vísun til 2. mgr. 53. gr. þingskapa að varaþingmaður Samfylkingarinnar í Vestfjarðakjördæmi, Sigríður Ragnarsdóttir skólastjóri, taki sæti mitt á Alþingi á meðan.
Virðingarfyllst,
Karl V. Matthíasson, 2. þm. Vestf.``
Að ósk forseta hefur landskjörstjórn komið saman og gefið út kjörbréf handa Sigríði Ragnarsdóttur sem er nú 1. varamaður á lista Samfylkingarinnar í Vestf. Jafnframt hélt kjörbréfanefnd fund áður en þingfundur hófst til að fjalla um kjörbréfið.