Jón Bjarnason:
Herra forseti. Sem betur fer hefur Alþingi örlítið snarpari sýn á þessu heldur en hæstv. sjútvrh. og skerpti á þeim tillögum sem hæstv. ráðherra hafði lagt fram.
Ég vil benda hæstv. sjútvrh. á hvað er að gerast í sjávarplássunum vítt og breitt um landið. Það sem er að gerast á Vestfjörðum, Vesturlandi nú síðast á Akranesi, að forsjá heimaaðila hverfur þar á þeim fiskveiðiheimildum sem tilheyrðu heimaaðilum í hendur eins stórfyrirtækis. Það má vel vera að það gangi um tíma en óöryggið sem byggðarlögin búa við eykst með slíkum aðgerðum. Ég skora á hæstv. sjútvrh. að taka þá á með Alþingi um að snerpa þessar reglur á ný.