Jóhanna Sigurðardóttir:
Herra forseti. Í þessari sundurliðun í tölul. 4.4.1 er um að ræða hækkun á stimpilgjöldum en með þeirri tillögu er fallið frá því að stíga fyrsta áfanga í að lækka stimpilgjöld sem hefðu skilað sér mjög vel, sérstaklega til einstaklinga og lítilla og meðalstórra fyrirtækja. Þetta er ranglátur skattur sem leggst þungt á fólk í fjárhagsþröng og þyngra á lítil fyrirtæki en stór og veikir samkeppnisstöðu fyrirtækja gagnvart erlendum fyrirtækjum. Skatturinn er líka ósanngjarn gagnvart þeim sem eru að koma sér þaki yfir höfuðið.
Samfylkingin vísar allri ábyrgð á þessari skattahækkun á ríkisstjórnina.