[prenta uppsett í dálka] 48. fundur, 128. lþ.
Einar Már Sigurðarson:
Herra forseti. Lengi hefur verið nokkur fjárhagslegur vandi í Fjórðungssjúkrahúsinu á Akureyri ásamt fleiri sjúkrastofnunum. Nú hefur verið tekið á vanda Landspítala -- háskólasjúkrahúss. Því er óskiljanlegt að ekki skuli hið sama gilda um Fjórðungssjúkrahúsið á Akureyri.
Hér er tillaga um að gengið verði í þá átt að bæta fjárhagsstöðu sjúkrahússins. Það er sérkennilegt að þrátt fyrir að tekið hafi verið á vandanum á Landspítala -- háskólasjúkrahúsi þá hafa engar skýringar fengist á því hvernig á því standi að ekki gildi hið sama um Fjórðungssjúkrahúsið á Akureyri.
