[prenta uppsett í dálka] 88. fundur, 130. lþ.
Frsm. utanrmn. (Sólveig Pétursdóttir) (andsvar):
Hæstv. forseti. Það er rétt að athuga ábendingar hv. þm., en eins og ég gat um áðan var sameiginlegur fundur með sjútvn. og utanrmn. Það var sérstök ósk sem kom frá sjútvn. varðandi þann fund og á þeim sameiginlega fundi átti fulltrúi Frjálsl. sæti þannig að ég geri ráð fyrir að hv. þm. geti óskað eftir upplýsingum frá honum um hvað var rætt þarna.
Verkefni utanrmn. í þessu tilviki er að afgreiða þáltill. um samninga sem þegar er búið að gera og það er á höndum framkvæmdarvaldsins að gera slíka samninga.
