Guðjón Hjörleifsson:
Herra forseti. Frumvarpið um línuívilnun er hluti af stjórnarsáttmála ríkisstjórnarflokkanna. Lengi má deila um prósentur línuívilnunar en 16% línuívilnun varð niðurstaðan. Ég er mjög sáttur við þá breytingu að útdeildum byggðakvóta í núverandi mynd skuli lagður á á tveimur árum en í stað þess hafi hæstv. sjútvrh. heimild til úthlutunar vegna sértækra aðgerða. Ég er jafnframt mjög sáttur við að þak sé sett á línuívilnun í þorski, 3.375 tonn. Ég treysti á að viðunandi þak vegna línuívilnunar verði sett á ýsu og steinbít á þessu fiskveiðiári. Þess vegna segi ég já.