Norðurlandasamningur um almannatryggingar.
- Ríkisstjórnir Íslands, Danmerkur, Finnlands, Noregs og Svíþjóðar,
- sem álíta að Norðurlandasamningurinn frá 1981 um félagslegt öryggi, sem kom í stað upprunalegs samnings frá 1955, hafi átt mikilvægan þátt í að tryggja norrænum ríkisborgurum, sem starfa eða dveljast í öðru norrænu landi, sama félagslegt öryggi og ríkisborgurum landsins,
- sem gera sér ljóst að samkvæmt EES-samningnum verði það reglur þess samnings um almannatryggingar sem munu gilda um norræna ríkisborgara sem starfa eða dveljast í öðru norrænu landi,
- sem álíta að þörf sé á norrænum reglum um almannatryggingar fyrir þá einstaklinga sem falla ekki undir reglur EES, þ.e. afmarkaðan hóp norrænna ríkisborgara og ríkisborgara frá þriðja landi,
- sem álíta að jafnframt sé þörf á því að halda í gildi tilteknum norrænum reglum um almannatryggingar sem viðbót við reglur EES um almannatryggingar,
- hafa komið sér saman um að gera nýjan Norðurlandasamning um almannatryggingar svohljóðandi:
- norrænt land
sérhvert samningsríkjanna,
- norrænn ríkisborgari
ríkisborgara norræns lands,
- löggjöf
lög, reglugerðir og aðrar stjórnvaldsákvarðanir um þær greinar félagslegs öryggis sem um ræðir í 1. mgr. 2. gr., þó ekki að því leyti sem í þeim felast reglur um samskipti eins norræns lands eða fleiri annars vegar og eins eða fleiri annarra landa hins vegar,
- þar til bært stjórnvald
í Danmörku:
- félagsmálaráðherrann,
- atvinnumálaráðherrann,
- heilbrigðismálaráðherrann,
í Finnlandi:
félags- og heilbrigðismálaráðuneytið,
á Íslandi:
- heilbrigðis- og tryggingamálaráðherrann,
- félagsmálaráðherrann,
- fjármálaráðherrann,
í Noregi:
- félagsmálaráðuneytið,
- atvinnu- og stjórnsýslumálaráðuneytið,
- barna- og fjölskyldumálaráðuneytið,
í Svíþjóð:
ríkisstjórnina (félagsmálaráðuneytið)
eða það stjórnvald sem nefnd stjórnvöld kveða á um,
- stofnun
stjórnvald eða stofnun sem veitir bætur,
- aðstoð
annars vegar undanþágu frá greiðslu, eftirgjöf eða endurgreiðslu kostnaðar vegna sjúkrahjálpar, þar með taldar tannlækningar, hjálp vegna meðgöngu og fæðingar, lyf, gervilimir og önnur stoðtæki, og hins vegar greiðslur vegna ferða sem farnar eru vegna slíkrar sjúkrahjálpar,
- grunnlífeyrir
almennan lífeyri sem ekki miðast við starfstíma, fyrri atvinnutekjur eða iðgjaldagreiðslur, svo og viðbótargreiðslur við slíkan lífeyri,
- viðbótarlífeyrir
almennan lífeyri sem miðast við starfstíma, fyrri atvinnutekjur eða iðgjaldagreiðslur, svo og viðbótargreiðslur við slíkan lífeyri,
- búseta
að maður sé búsettur í landi samkvæmt þjóðskrá þess ef sérstakar ástæður leiða ekki til annars,
- EES-samningurinn
samninginn um Evrópskt efnahagssvæði frá 2. maí 1992,
- EES-land
land sem samningurinn um Evrópskt efnahagssvæði nær til,
- reglugerðin
reglugerð ráðsins (EBE) nr. 1408/71 um beitingu almannatryggingareglna gagnvart launþegum, sjálfstætt starfandi einstaklingum og fjölskyldum þeirra sem flytjast milli aðildarríkja, með þeim breytingum og viðbótum sem fram koma í viðauka VI við EES-samninginn,
- framkvæmdareglugerðin
reglugerð ráðsins (EBE) nr. 574/72 sem kveður á um framkvæmd reglugerðar (EBE) nr. 1408/71 um beitingu almannatryggingareglna gagnvart launþegum, sjálfstætt starfandi einstaklingum og fjölskyldum þeirra sem flytjast milli aðildarríkja, með þeim breytingum og viðbótum sem fram koma í viðauka VI við EES-samninginn.
- bætur vegna veikinda, barnsfæðinga eða ættleiðinga,
- bætur vegna örorku, elli eða dauða,
- bætur vegna vinnuslysa og atvinnusjúkdóma,
- bætur vegna atvinnuleysis,
- almennar bætur í peningum til barna.
- norrænna ríkisborgara,
- flóttamanna sem um ræðir í 1. gr. samnings frá 28. júlí 1951 um réttarstöðu flóttamanna og bókun með þeim samningi frá 31. janúar 1967,
- ríkisfangslausra manna sem um ræðir í 1. gr. samnings frá 28. september 1954 um réttarstöðu ríkisfangslausra manna,
- annarra einstaklinga sem löggjöf norræns lands tekur eða hefur tekið til,
- einstaklinga sem rekja rétt sinn til einhvers þeirra einstaklinga sem nefndir eru í stafliðum a til d.